الخريطة ناقصة حتة


بقيت يا وطن خريطة مقطعة

فى كل شبر منك بنلاقى مذبحة

بشر بيقطع بشر واخر بهدلة

منين ياقدس نجيلك والحتة مزحلقة

دا دم العرب سايل والحتة مولعة

والحرب قايمة دايرة

على أرضك يا وطن

بتقولى أدافع عنك؟؟؟؟؟

ومنين المقدرة

سلاحى مبقاش فى إيدي

ولا حتى المسطرة

  • Digg
  • Del.icio.us
  • StumbleUpon
  • Reddit
  • RSS
Read Comments

نقدر نصلي الفجر أسبوع كبداية ؟؟؟؟؟؟؟؟؟


واجبك في الحملة

١◄◄ النيـــــــــــة ((نيتك انك هتشارك معانا))
وكمان تبتدي تحاول تظبط مواعيدك انك تصلي الفجر من دلوقتي علشان لما نوصل لميعاد الحملة تكون اتعودت

٢ ◄◄ تساعدنا اقل حاجة انك تنسخ الصورة دي وتخليها
صورة لبروفايلك

٣◄◄ لو عندك جروب أو فان أو موقع أو اي حاجة على النت انقل عليها الصورة والموضوع بتاع الحملة

٤◄◄ لو تقدر توصل لأي داعية مشهور على التلفزيون ((الشيخ محمد حسان - الدكتور صفوت حجازي - الاستاذ عمرو خالد - مصطفى حسني - أحمد الشقيري -............))
أو المنتديات بتاعتهم ساعدنا في اننا نوصلهم صوتنا

٥◄◄ اتكلم مع صحابك على الحملة نزل الصورة على موبايلك وابعتهالهم

٦◄◄ لو تقدر تشاركنا افكار للحملة أو التسويق ليها ياريت

٧◄◄ لو الامكانيات المادية مساعداك اعملها بوستر ووزعها على الناس

شارك بأي شئ
شارك في اننا نرجع فرض ربنا

◄◄سبب تحديد فترة للحملة ليس علشان حاجة معينة ولكن علشان نشجع بعض ولازم ده لفترة زمنية محددة نتفق فيها كلنا مع بعض على عمل واحد في بداية السنة علشان بيكون الفساد فيها كتير جدااااااااااااااااااااااا

◄◄ أرجوك ساعدنا نوصل صوتنا لكل الناس كلم كل اللى تعرفه ابعت رسايل للي تعرفهم

واعرف ان الدال على الخير كفاعله

◄◄ الرسالة دي مش فرض

ولا لما تقفلها هيطلعلك عفريت في اوضتك

ولا هيوقع بيتك لو مبعتهاش

◄◄ الرسالة دي ليها ناسها اللى هيشيلوها من غير ما حتى نطلب منهم

لانهم ينطبق عليهم قول الله عز وجل

يُسَارِعُونَ فِي الْخَيْرَاتِ وَأُولَئِكَ مِنَ الصَّالِحِينَ
يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا وَكَانُوا لَنَا خَاشِعِينَ
يُسَارِعُونَ فِي الْخَيْرَاتِ وَهُمْ لَهَا سَابِقُونَ
وَهُمْ لَهَا سَابِقُونَ
وَهُمْ لَهَا سَابِقُونَ

جزاكم الله خيرا على وقتكم

  • Digg
  • Del.icio.us
  • StumbleUpon
  • Reddit
  • RSS
Read Comments

فى العالم العربي تموت (تميم البرغوثي)



في العالم العربي تعيش

كما قط ساكن تحت عربية

عينيه ما تشوفش م الدنيا دي حاجة الا الجزم

في العالم العربي تعيش

كما بهلوان السيرك تحتك بهلوان دايس عليه

وفوق دماغك بهلوان دايس عليك

والكل واقف محترم

في العالم العربي تعيش،

مباراة بقى لها ألف عام

لعيبة تجري يمين شمال

والكورة طول الوقت في إدين الحكم

في العالم العربي،

تقول للبنت حبيتك

وتبقى البنت بتحبك، وبتموت فيك

تناولك بالألم

في العالم العربي تعيش

تشتم في طعم المية والطعمية والقهوة وروادها وفى مراتك وأولادها وحر وزحمة الأتوبيس

وفي اللي بيعمله إبليس، وفي التفليس

ولو سألوك تقول الحمد لله ربنا يديمها نعم

في العالم العربي تعيش،

كما دمعة في عيون الكريم المحنة تطردها يرجعها الكرم

في العالم العربي تعيش تلميذ في حوش المدرسة من غير فطار عينه على الشارع وبيحيي العلم

في العالم العربي تعيش،

بتبص في الساعة وخايف نشرة الأخبار تفوت

علشان تشوف ع الشاشة ناس

في العالم العربي

تموت

  • Digg
  • Del.icio.us
  • StumbleUpon
  • Reddit
  • RSS
Read Comments

خواطر


بسم الله أسطر هذه الكلمات .. بسم الله أرجو أن يغفر ربى لي ذلتي ولا يأخذني بهذه الزلات.

لا اعرف بماذا ابدأ فحقيقة يوجد بداخلي الكثير والكثير من الكلمات التي أريد إن اسطرها كي أتعظ عسى ربي إن يغفر لي بها.

بداخلي أسئلة أريد أن أجد إجاباتها فمثلا:

لماذا لا يحسن الناس الظن بالناس؟؟

لماذا لا يقدم حسن الظن على سوء الظن؟؟

لماذا يفرح الناس بما قيل عن احدهم بالسوء؟؟

إذا قيل عن فلان انه فعل شيء يشكر ويحمد ويجازى عليه سكتوا وكأنهم يحسدونه أو يقولون ماذا بعد؟!!!

أما إذا قيل عن نفس الشخص أنه فعل شيء مشين يـــــــــــــــــــــــا ربى على ما يقال وما يؤلف وتبدأ يا أخي في سماع قصص وقصص على ذلك وكأن الناس في هذه الدنيا كلهم أدباء ومؤلفي قصص لا أحد يظن به خيرا إلا ما رحم ربى.

سؤال أخر.. لماذا كل هذا الهجوم على النقاب؟؟

لا أقول ذلك من باب الحمية والتشدد ولكن اعتبرني آخى القارئ أنى أخت مسلمة تشهد إن لا اله إلا الله وان محمد رسول الله فقط ولا دخل لي بالدين أكثر من التوحيد.

تأمل معي منطقيا لا دينيا فحسب

لا أتكلم عن دولتي حكومة بل شعبا أناس عاديون على الفطرة متعلمين وجاهلين اسألهم عن النقاب.. عن الحجاب.. ما معنى كلمة حجاب؟؟

" من عشرة أيام تقريبا كنت في بلدتنا وهى قرية ريفية لا أزورها إلا في المناسبات وهذه المرة ذهبت للاطمئنان على جدي المريض(شفاه الله) وأيضا كي أغير جو المهم أنى أثناء سيري من بيت خالي إلى بيت جدي سمعت رجلان كبار بالسن يتحدثان عن موضوع النقاب وأزمته الأخيرة كنت طبعا لا اقصد سماعهم ولكن هما لاحظا أنى منتقية وأسير أمامهم فرفعا صوتهما عمدا تغيظت لرأيهم المستفز وتعجبت من فكرة انتقاد الستر الذي لابد أن تكون عليه المرأة المسلمة فيه ولولا انه لا يجوز مداخلتي في حديثهما لكنت فعلت وصححت الفكرة وبينت الرأي الأخر فهما يسمعان من طرف واحد".

هذا ما حدث ولكنى أتساءل كثيرا لما هذا الهجوم المفترس على النقاب ؟؟ أأصبح الستر شيئا مشينا؟ يقولون أنه يتخفى به المتطرفون والمجرمون وأنا أقول بل المنطق يقول أن لكل قاعدة شواذ

خبر عاجل: على جمعة: النقاب ثوب شهرة ومن حق المؤسسات منعه

حسبي الله ونعم الوكيل

فلماذا لم نلغ كل القواعد مادام أن هناك شواذ لها؟؟؟؟؟؟

هل أصبح الحجاب الشرعي نقمة؟ سجن للمرأة؟ أم سجن لشهوات من يدعون لتحريرها منه؟ هل يرضيهم زى من يدرج أسماءهم تحت قائمة المسلمات اللائي نراهن في الجامعات الآن؟ (البنطلون والـbody) هل هذا ما يعجبكم ؟ هل هذه هي المدنية والتحضر؟ أين الاقتداء بأمهات المؤمنين؟ أين؟ لو كان النقاب حجاب شهرة أو لباس شهرة كما قيل فأين أصحاب العقول التي تصدق ذلك؟ في آخر الزمان النقاب أصبح حجاب شهرة بين الجينز واللباس الضيق بل الفاضح.........

اللهم ألطف بنـــــــــــــــــــــــــــــــــــا

  • Digg
  • Del.icio.us
  • StumbleUpon
  • Reddit
  • RSS
Read Comments

ممنوع الشخبطة هنا


أولا طبعا بارحب بكل اللى هيقرا شخابيطى
انا هنا للشخبطة فقط وطبعا الشخبطة ليس عليها رقابة :]
ثاااااااانيا اللى هييجى يشخبط معايا هنا يلتزم باصول الشخبطة اللى هي:
مفيش خوف - مفيش رجوع فى الشخبطة - مفيش مانع تضحك وتهزر كمان يااااااااالا اى خدمة :]
أرجو ان تنال شخابيطى اعجابكم :)

  • Digg
  • Del.icio.us
  • StumbleUpon
  • Reddit
  • RSS
Read Comments