اه والف اه واه




سافرت عدة أيام إلى بلدتي الصغيرة في الارياف وخلال هذه الفترة مررت على أكثر من منطقة من المقابر عبارة عن تجمعات للموتى , على كل قبر لوحة من الرخام عليها اسم وعائلة المتوفي وتاريخ ميلاده وتاريخ وفاته وكأن عمره هو ذلك الوقت المستغرق في كتابة اسمه على اللوحة

وسألت نفسي حينها كم حرف بقي كتابته من حروف اسمي؟!!؟ هل انتهت ؟!!...؟ أم كم ستستغرق ؟؟!! ربما بقيت نقطة واحدة فقط وتنتهي كتابتها أم ربما لم تكتب بعد أولى حروف اسمي ...

ظللت اتسائل كثيرا لكني بكيت عندما تخيلت حالى إن كان القبر فوقه لوحة باسمي .. ماذا سيحدث؟؟ وبماذا سأنجو؟؟ ماذا اعددت؟؟ وبماذا سأقابل ؟؟؟ هل سيخنقني قبري من الضيق أم سيتسع علي ويصبح جنة ؟؟

تساؤلات عديدة لكنّي لم أستطع تغلب دموعي عندما رأيت جدي الذي كان يقيم شعائر الصلاة من قرأن وأذان واقامة وإمامة وهو رجل أمي لا يقرأ ولا يكتب وأصبح الان قعيدا بشلل نصفي لكن لم يعجزه هذا عن الصلاة والاذكار او القران (ماشاء الله اللهم بارك) ......

يا حسرتي على شبابي وصحتي في ماذا استغلهم ؟؟

ومتى سأضع الزمن والمرض في حسباني ؟؟؟ متى سأدّخر لمرضي وشيخوختي ؟؟

اااااااااااااااه .. اه عليّا والف اه واه ..

سأرجع يارب سأرجع فاقبلني وخدني اليك ولا تفتنّي ..

اقبل مني ولو حبي اليك فهو أصدق اقوالي وافعالى وهو الشيء الوحيد الذي لايعلمه الاك .. هو الشيء الخالص لوجهك وحدك ولا أحد سواك .

  • Digg
  • Del.icio.us
  • StumbleUpon
  • Reddit
  • RSS
Read Comments

كلمتيـــــــن وبس ...


يَوْمَ تُقَلَّبُ وُجُوهُهُمْ فِي النَّارِ يَقُولُونَ يَا لَيْتَنَا أَطَعْنَا اللَّـهَ وَأَطَعْنَا الرَّسُولَا﴿٦٦﴾ سورة الأحزاب

من الايات اللي وقفت عندها امبارح في القراءة ,باحمد ربنا اني عايشة وفي امل اني انجو من الحوار ده ومن الكلمة دي .

تعالوا كدة نبصلها من زاوية مختلفة شوية يعني ايه اطعنا الله واطعنا الرسول ؟؟ يعني انفذ وأنا مغمضة يعني مفيش نقاش ولا هاعمل ده للسبب الفلاني ولا العلاني هانفذ لانه ده رسولك وده ربك أو ده ربك وده رسولك (بس علشان ترتيب الاولويات) اه صحيح كلمة ترتيب الاولويات دي مرمطة كل البشر يعني يقولك هاعمل كذ وكذا وكذا بالترتيب على حسب الأولوية طيب ماتسأل نفسك كدة بواقعية شوية وبصدق ربنا ورسولك رقم كام في اولوياتك ؟؟؟
امممممممم بلاش احراج احسن علشان في ناس كتير ممكن تنحرج ترد او لا تكذب ولكن تتجمل

مش معنى اني باتكلم والمايك في ايدي دلوقتي ابقى من الناس اللي وصلت واترفع عنهم القلم خلاص لااااااااااااااا انا بس بافكر بصوت عالي علشان أفوق وأفوّق الناس معايا .

موقف تاني حصل معايا , أنا واحدة بتعشق المطبخ وتحضير وتجهيز الاكل وكدة فلاحظت حاجة غريبة لما ركزت معاها فكرتني بشيء مختلف تماما

في حلة (اناء ) كنت سبت فيه شوية مية بعد ما خلصت ونسيتها او تناسيتها الله اعلم بس المهم تاني يوم وأنا داخلة المطبخ فوجئت ان المية عملت حد في الحلة طبقة من الالومنيوم اتأكسدت تقريبا المهم يعني الحلة بقى شكلها مينفعش يتعمل فيها اكل الا لما تتنظف جاااااااااااااااامد جدا وهتاخد وقت ومجهود كبير

المهم يعني الخلاصة انه الحلة دي فكرتني بقلب الانسان قلبي وقلبك وقلبك انتي كمان لو تركتي فيه أي شيء بيطبع عليه , بيتفاعل معاه لو كان حلو هينتج شيء حلو ولو وحش هينتج شيء بشع مشين وهتاخد وقت ومجهود علشان يرجع زي الاول .

يمكن ناس كتير ميوصلهاش نفس الاحساس اللي عندي دلوقتي بس فعلا ده اللي بيحصل . لو مليت قلبك بحب ربك قولا وفعلا وحب نبيك قولا واتباعا هيطبع على قلبك صورة جميلة نتاجها حب الدين ولو مليته بالأغاني والبنات أوالشباب (على حسب نوع اللي بيقرا) وحجات كتير كلها لهو هيطبع على قلبك طبقة من الصدا اللي مع مرور الوقت بتاكل المعدن الأصلي .

موقف تالت واخير علشان ما اطولش عليكم اكتر من كدة
كان في بنتين توأم زميلات اختي بالمدرسة وهما من البدو , البدو اللي اول ما لبست حجابي وكلفت كنت متبرجة جنبهم بس سبحانه مغير الأحوال, المهم لقيت لبسهم تطور مع تطور الذرة بقى عالموضة والحياة زي الفل المهم بقى في الموضوع الحوار اللي دار بين والدتي وبنت منهم :

ماما : ايه اللي انتي لبساه ده؟؟
فلانة : ماله؟؟
ماما : ملوش بس بتهيألي over شوية ؟؟
فلانة : ده أوفر؟؟ دا انا كنت هاقدم في ستار أكاديمي يا طانط
ماما :مين يا حبيبتي ؟؟؟؟

وسابتها ماما ومشيت

الخلاصة منها انه القدوة اتبدلت , القدوة بقت مطربة أو مطرب , بقت برنامج لا له دين ولا ملة , برنامج لو بصيت عليه هتلاقي الشيطان هو رئيس لجنة التحكيم , برنامج الهدف منه افساد الشباب وتغييب عقولهم

نفسي حد يقولهم ميتعبوش نفسهم ويصرفوا كتير ويكلفوا نفسهم لأن العقول في أجازة

امتى ترجع بقى؟؟؟؟؟ امتى هتقفل وتقوم تصلي أو تفتح كتاب ربك وشوفه هيقولك ايه؟؟ امتى لما يقولك اعمل تعمل ومتعملش تبقى متعملش ومتقفش ثانية تفكر في ناس يا جماعة بيضيع عمرها كله تفكير في قالي اعمل كدة ليه؟؟ ولو معملتش هيجرا ايه ؟؟ ويلاقي عمره نفذ قبل ما يقرر هيعمل ولا لا .

معلش طولت عليكم

  • Digg
  • Del.icio.us
  • StumbleUpon
  • Reddit
  • RSS
Read Comments